2008-04-28

不要"藍色星期一"

一句說話重覆在你生活中出現, 好可能會影響你的生活.........
明明那天早上醒來心情還好好的, 但當你看到某句說話.......又出現時, 你可能會因為那句說話把你當天的心情也一拼拉下來!!
我不太明白這些說話為何影響自己, 但我就是這樣一次又一次被拖下水, 弄得心力交瘁!!
Goodbye "blue monday"................ 請不要再搞我了!!

越夜越有價

尋晚我返屋企等巴士時, 無意中睇到有間BAR嘅水牌, 內容吸引住我 :
9:00pm前啤酒108/半打, 9:00pm後啤酒148/半打, 原來有啲嘢係越夜個價就越高!!

一般情況例如: 報紙, 超市, 酒樓, 街市, 唱K, .....好多地方係越夜價越低, 相反酒吧就越夜價越高; 間吧都開左一段日子重未𢴇即係有價又有市啦!!

~~ 有好多事唔係絕對嘅... ~~

2008-04-18

~波係圓嘅~ 伍晃榮

2008年4月17日

我一直好欣賞嘅體育新聞報導員"伍晃榮"真正<榮休>了!

從事新聞行業40多年,當體育記者和體育新聞主播。他開創以幽默方式評述體育新聞,突破了新聞報導的傳統框框,使報導變得有趣生動,觀眾會心微笑。

最嗒落有味嘅經典金句:「波係圓嘅」;「守門員最好嘅朋友係條門柱」

<伍晃榮交比你喇> 已成為絕響了!!!

2008-04-12

當灘友遇見~金泰如花~

今日同一班灘友去尋找鼎鼎有名嘅~金泰如花~果然名不虛傳, 當真是鎮店之寶........

我們點了燒側魚, 燒大蜆, 炒飯, 菜菜, 炸魚餅, 春卷, 串燒, 咖哩蝦.......樣樣野都好好食, 我們食到飽哂, 笑到傻哂, 緊接去左唱K

我真是太耐無去唱K喇, 有歌唱, 有buffet食, 重有機打添......真係滿足哂你三個願望啊!

現場即燒側魚 & 燒大蜆

沙拉骨達人 season

Brian的背影

傻人大合照

2008-04-08

6天精華遊~張家界~

話說櫻記士多狂奔6日.....飛飛吓飛左去 "張家界"

3月~初春時分確實好重霧, 大霧到20步距離就咩都睇唔到, 搞到我去幾個睇山峰, 風景區嘅景點咩都無得睇。

鳳凰古城 : 真係好古老, 好似以前去過北京啲老街咁由幾個城樓組成; 當地原來喜歡做臘肉, 臘雞, 最得意嘅係<臘豬頭>真係成個豬面好搞o野!! 古城日頭同夜晚好唔同, 夜晚好靚又可以放吓紙船; 又可以落PUB坐吓聽吓歌...真係唔覺自己身在大陸!!

沿途我好開心睇到一片又一片鮮黃色的油菜花田, 真係好靚架! 我重落車影左啲相添!!

今次旅程真係唔錯, 最開心就係識到幾個好玩嘅團友, 就連個當地導遊都勁搞笑, 一路有講有笑好快咁就過左6日喇!!