人生點唱機

我深信每個人一生中都有很多引起自己共嗚既歌, 可能有每週主打或每月熱播, 更可能是心中經典, 而我就有以下揀手精選 :

• 開心：Happy together, 林一峰"給最開心的人"
• 成長：Beyond "交織千個心", 夏詔聲 "交叉點"
• 離別：張國榮/梅艷芳 " 緣份", Beyond "情人"
• 鼓勵：陳奕迅 "今日 ", 倫永亮,李國祥 "總有你鼓勵"
• 傷心：草猛 " 失樂園 ", 周慧敏 "孤單的心痛"
• 愛情：張國榮 "追 ", First of May
• 朋友：譚詠麟 " 朋友 ", 軟硬 "好兄弟 "
• 努力：羅文 "前程錦繡"
• 親情：陳百強 "一生何求", 許冠傑 "父母恩"

如果以上嘅歌可以引起你共嗚嘅話, 唔使發空白短訊比我, 只需要話我知就得喇............... *o^'

搞事團年飯

上星期六一家人提前食團年飯, 去左佐敦既北京樓!! 有些人唔多喜歡去o個度食, 但係我就是喜歡與那班串過碼頭古喱既阿叔傾吓計; 同佢地切磋吓串功不知幾"哥製" 同屋企人食團年飯最頭痛莫過於諗食乜? 去邊度食? 約個大家都ok既時間? 所以我們一向都係提前好多日食, 避免人迫人, 又無得揀啊嘛!

• 北京樓 : 我比較喜歡食lee個飽
• 還有怪獸 "松子黃魚"
• 當然少不了我既至愛 " 手撕雞"啦!! (無相睇喎......因為一上檯已經一掃光喇!!)

今年既團年飯我覺得小表妹長大成人喇! 唔係佢就快大學畢業................係佢帶左個男朋友仔出黎見我地lee班屋企人; 佢好特別咁樣介紹我：「佢係無限量供應我首飾同文具既表子!!」 一輪家庭起底查詢之後, 就變成我比屋企人問長問短喇...............幾時到我喎.......!! 唉!! 表妹lee次真係多得妳唔少囉~~~~~~~~~~~~~~ *_*'

交出我的

應 Uncle 要求, 我拍低左家裡部份的CD存量, 只有部份因為我已寄存了3箱CD在朋友家, 實在放不下了!!

沒有音樂的人生是黑白的, 生命中缺少了音樂就變成灰色了!!

Tell me why ?

點解........點解.......... ???????

我真係完全唔明白, 點解越來越多喲咁樣o既人!!

你問佢乜野, 佢就用你的問題答返你, 但係每次答左等於無答, 例如:

• 食緊咩啊? 會咁答『食緊o野囉!』
• 去邊啊? 都係咁答『o個邊囉!』
• 做緊咩? 一樣係咁答『做緊o野囉!』
• 睇咩啊? 例牌答法『睇緊o野囉!』...........

點解唔可以比個"實在"喲o既答案人呢? 有咩咁秘密呢? 你估自己做緊"CIA"亦或"無間道"既梁朝偉, 唔講得比人知架!

定係現今新時代的人就係樣表達自己O既呢?

唔通我退化左!! 退到唔明佢地想點, 化到個GAP太大同佢地溝通唔到!! 唔通LEE喲先係"潮", 唔通咁樣就係"型"!!

香港的未來? 唉................都係自求多福算把啦!!