悠長的農曆年假期，沒有什麼地方要去拜年的我，最享受待在家中看看我的小書，聽聽我的音樂，還有梗係睇我的電視啦！
今天無意中在看電視時，聽到一首歌，一首對我來說從不起眼的歌，是因為歌手是我不喜歡的她還是我真的沒有留意歌詞呢？但不知為何今天聽就是觸動了我。。。
她是怎樣的心情會寫出這樣的歌詞？ 她到底有怎樣的感受可以令人有此共鳴？ 是怎樣的際遇才會有這情感？。。。我不知道，但它今天能使我定神在她的MV上；使我一再細看她的歌詞；使我。。。
<<梁詠琪－禮物>> 女人都渴望歸屬，可是熱情怎樣保持溫度；眼淚是快樂的附屬，卻又讓我馴服 終於一天看清楚，能夠愛過痛過也算幸福，這一路的旅途風光明媚 還是絕路；都是昨天笑忘書 每個人都有一份禮物 就是為另外一個人付出 沒經歷過揮之不去的痛苦 不懂珍惜手中的禮物 每個熟悉的哀樂喜怒 藏在心裡最溫暖的深處 王子公主誰能逃得過痛苦 能夠勇敢愛下去是最好的禮物 今天我已經領悟，今天就是禮物
團年飯一向都係中國人好注重的家庭聚會，以前的家庭好多人出外工作一去可能幾年，每年就是靠團年飯可以回家跟家人朋友聚聚，所以團年飯要一家人齊齊整整食餐飯！
到現在已經有所改變，不過點變都係要一家人團年．．．這是不能改變的！
我們院友都有團年飯吃去左隊長屋企搞, 點解? 當然因為有大官<繼樂>同二官<子溍>啦!!
我陪二官睇卡通片, 佢sweet到比個枕頭我墊背脊, 又幫我蓋被話怕我凍親喎, 真係比佢冧死啊!
大官就把口冧死人, 一時又話好掛住妳, 一時又話自己真心架, 一時又攬到妳實一實咁, 試問佢地lee對活寶貝妳可以唔錫到佢地燶咩!
同場加映...隊長話認識朋友當中我係唯一嘅鄉下人, 點解? 因為無論我幾點訓都係6:30am起身返工囉! 小紅又即時唱 oh mcdonald is a farm 依丫依丫呵..... 我笑到停唔到(有相為證)
ps. 妳地啊 post左啲咁嘅相出街facebook啊! 趕走哂我啲客啊, 我今年無著落唯妳們是問啊!!
要我踏足一個陌生的地方<官塘>，一定有野推動我先會咁做！
話說早陣子院友飯局時，我們忽發奇想，諗住搵啲野大家一齊學；由媽媽介紹之下我們去左<阿戊整餅>
可能因為平日嘅關係，得4個人上堂好似包堂咁啊...呵呵！個阿sir又幾nice喎 (ps.佢有啲似日本人)
我們整左個<藍梅芝士蛋榚>同場加映<朱古力糖餅牌>
起初我同fie fie重擔心會搞到o個度火燭或者一鑊泡咁，又出奇地順利同成功喎，今次真係威威啊！
未開始整餅先開始搞搞震!! 
好似等緊個bb出世咁啊....
我諗住將啲藍梅佈個心形出黎 ,點知似抽提子多啲
完成喇...好開心!!
因為個cake要焗成個鐘頭, 阿sir就教整<糖餅牌>比我們hea弄啲時間! cookie仔等緊整容啊....
做埋個修護面膜就大功告成喇..... 
cookie仔整容後幾cute重kept住<鬥雞>添!!
我們似唔似樣啊....大家都係<鬥雞>架!!
終於一家團聚囉......1月8日係我人生中又一次比人老點嘅經歷
目的地：九龍塘＜創新中心＞ 九龍塘除左地鐵站同理想酒店之外，一切都係佢識我，我唔識佢！ 我已經早一日問左朋友，睇定巴士路線圖，地圖．．．
到最後我好叻咁行到目的地，睇到棟大廈喇，心諗今次無死啦咁叻咁快搵到；誰不知我來來回回行左大半粒鐘都係搵唔到條路可以通到正門入口囉．．．
其實我已經問過幾個人，亦係我一貫嘅經驗．．．比人（老點）
最後我嬲嬲地走左落地鐵，豪左三蚊比佢，跟住指示牌重要行左成10分鐘先去到囉．．．
途中我有幾次剎那間嘅奇想，包括：我頭先睇到嘅係咪＜海市蜃樓＞／原來睇得到的距離可以係咁遙遠／頂! 早知坐的士算數．．．
其實o個日我係去聽個客請<公證行啲人黎講嘅course>，去到棟大廈見到個客佢見我氣來氣喘；居然唔係問我係咪好趕，而係問我係咪盪失路喎！見同佢friend咪乘機發洩下囉，我馬上答佢：頂...乜我個樣似盪失路咩；我無盪失路啊，係搵唔到條路咋！
發洩完就打蛇隨棍上，同佢講：「不如你請我食lunch，我請你食dinner丫！」佢居然勁過我囉，佢係拱樣答我：「好啊！不如睇埋戲丫！」就係咁我o個日嘅lunch同dinner都有人陪我食，重有個靚仔同我睇左套＜澳大利亞＞添．．．哈哈！
<皇府>食神义燒飯，點解唔叫<暗然銷魂飯>嘅
大家認為什麼是"距離"呢？
可能你會話由某一個地點去到某一個地點囉！
或者係情人之間的感覺有左差異就係距離
距離：可以好接近或者係好遠好遠...
幾遠嘅距離最恐怖？我親身體會過．．．
正正係8號o個日我去左九龍塘聽course，係個客搵啲爛鬼公證行搞出黎嘅，重要聽足一日9:00-12:00pm，14:00-18:00....唉！
時間長都唔恐怖，最恐怖係我去到見到棟大廈但係行左大半粒鐘都未行到去，個刻我明白到<距離>原來唔關遠或近事，而是明明在妳面前但妳接觸唔到佢個一刻嘅感覺是令人極度難受！
後來我上網搵到段拱嘅野，我睇完有啲想喊：
世上最遙遠的距離， 不是生與死； 而是我就站在你面前，你卻不知道我愛你。 世上最遙遠的距離， 不是我就站在你面前，你卻不知道我愛你； 而是明明知道彼此相愛，卻不能在一起。世上最遙遠的距離， 不是明明知道彼此相愛，卻不能在一起； 而是明明無法抵擋這股思念，卻還得故意裝作絲毫沒有把你放在心裡。 世上最遙遠的距離， 不是明明無法抵擋這股思念，卻還得故意裝作絲毫沒有把你放在心裡； 而是用自己冷漠的心，對愛你的人掘了一條無法跨越的溝渠。
