2008-12-31

迷 ... 清醒 (part 2)

我特別把這篇blog放在今天出, 正正是因為今日係2008年最後一日, 我覺得是值得記念的日子!!

延續上一篇的故事...

26號boxing day是beach嘅exchange gathering, 我其實已經進入完全迷離境界, 3日夾埋訓得唔夠8個鐘, 一切都係靠股傻氣頂住!!

講講個gathering, 雖然有人話今年少左人黎玩, 上年嘅灘友大部份都無黎... 但係我反而覺得人少少比較close, 影多啲相玩game又可以放啲, 可以認識一眾新灘友仔計都傾多啲啦!! 大家大節流流都願意出黎玩, 我已經好開心!

今年我們買左幾set做型玩具, 有玩具吉他, 劍同盾牌啦, 最哥製就係set警察套裝...

夜晚我們一班人去左打邊爐, 又開始飲飲飲...!! 有人一早就醉左, 有人半醉半醒, 有人全程食不停, 有人成晚煩不停, 我掛住昅實某人無乜食野, 唔知點樣返到屋企嘅我係覺得肚餓囉!!

beach話今年最想大家可以擁抱, 攬到好實好實個隻, 個晚我身先士卒搵人攬攬先!!

2009年唔知大家有咩願望, 我嘅願望...就正正係小紅搭住我脯頭時講嘅一樣, 為左lee個願望我會加倍加倍努力!!

2008-12-30

迷 ... 清醒 (part 1)

從24號晚開始我已進入迷離境界!! 一切由24號晚第一場"係朋友就飲"嘅酒局開始...

第一場:死黨呃我話要結婚,由23:00飲到凌晨3:00...4:30訓落床緊接7:00起身因為約左隊長一家在葵芳睇9:40早場<大耳仔走天涯>

記憶中我重好清醒,因為我重記得<細佬子溍>不停問大耳仔係咪死左,而<阿哥繼樂>就叫我唔好笑,唔知點解佢次次見親我都叫我唔好笑...送聖誕禮物比佢地換左一人一個kiss...抵啊!!

第二場 :25號中午開始準備BBQ的野,由16:30開始燒野食至23:00諗住返屋企,接到個死人頭電話又call左我去飲野...今次早啲4:00可以訓落床

在青衣聚會地方BBQ可能係最後一次,小悠仍然願意同我影張拱嘅相亦可能係最後一次...

 

 

開始進入迷離境界喇...因為我已唔記得個晚飲野嘅話題!

2008-12-22

boxing day = exchange day

今年12月真係前所未有咁full booking排到滿哂!

飯局,BBQ,行山,一日遊,party...星期六/日排到滿哂...

不過boxing day嘅活動就特別啲...因為一年一度嘅灘友相聚日子又到喇!

當事人個傻佬話今年要玩exchange,參加者要帶一份禮物去同佢交換喎,話佢係傻佬因為我們都係一人一份換黎換去都係一份遮;佢就一次過要帶成40幾份禮物返屋企因為今年報名有成40幾人,大家有無覺得佢係傻嘅呢?哈...哈...我就好覺囉!

一個傻得咁可愛嘅中年男子,我真係唔知可以準備一份咩禮物比佢...

不過呢一眾(院友)我就準備好一人一份聖誕禮物喇!

happy holidays !!

2008-12-09

院友BBQ

秋高氣爽最適合去行山,院長又話行山最好野埋餐;點知上星期突然轉冷,得12-13度我們就改變計劃去BBQ,點知到當日死堅持要去行山嘅院長就是因為太涷而冷病左...哈哈真係諷刺!

最後我們還是去了BBQ,認識了一對非常兄弟;一對非常可愛,熱情,搞笑嘅小兄弟

哥哥~繼樂~,弟弟~子溍~...他們是有本領令你笑餐死之後激暈埋你!

我叫細佬電人...佢話唔得因為(電)係危險嘅,唔可以電鍾意嘅人

我屋企有許多超人/多拉A夢/怪獸...DVD,細佬話要跟我返屋企,最後勾手指約好下次放假帶比佢睇!

阿哥最利害係經典金句:『你地唔好嘈 (佢係打開左對手) ... 聽我講野!』

這對活寶貝... 問你點可以唔愛佢地!! 細佬 (子溍)

哥哥 (繼樂)

2008-12-02

剛剛巧

話說我們的沙嗲王子阿柱,9日暴走台灣...我都唔知佢點可以齋留在台北玩足9日?重要係一條友仔無人陪o個隻...

佢返黎之後帶左一批手信比我們,昨晚約左出黎食飯啦,我剛剛睇完<海七>重停留在主題曲 "國境之南" 同 "愛你愛到死" ,還想過叫台灣同事幫我買瓶劇中的小米酒~馬拉桑~回來嘅時候;佢居然買左台北店賣淨番一支嘅~馬拉桑~小米酒比我,呵呵...實在是巧合啊!

真係要講句:『一支~馬拉桑~在手,<海七>情懷我獨有!!』(哈哈哈)

p.s. : thx 阿柱

    

2008-12-01

海角七號 ~台灣情~

台灣自資投拍的<海角七號>請不要與<情書>相比,確實是不同的情懷...

更不要與一般的愛情西片相比,因為民風不一樣感覺也不會一樣...

<海七>表達出地地道道的台灣情懷,從日本戰爭開始的一段60年的愛情牽引出的故事;共嗚是要了解故事背後的故事!

有誰還會記起台灣被日本統治了50年,所以老一輩的台灣人大都會說/會看日語,他們是有些被感染了日本風!

說真的...如果聽不懂台語是有點失真的感覺!劇中不少用台語罵人的笑話,聽不懂確實笑不出來!

劇中往往用最不起眼的角式,做出出人意表的舉動:賣酒的會彈BASS, 老郵差說得一口流利日語更會彈古琴, 前霹靂小組成員吹得一手好口琴還會唱會彈吉他, 汽車維修是打鼓高手.....全部感覺都是亂七八糟的人但是走在一起...加上一份"熱誠"就可以做出令人"感動","有共嗚"的音樂!

不知道<海七>是否想表達台灣本土就有好東西,不是外國的一定好!或是懷才不遇的總有出頭天,或是過去的就讓它靜靜的過去吧!<海七>令我想到太多東西了...

2008-11-18

Funny...

最近我發現有啲食市嘅名好有趣, 所以post出黎同大家分享, 一齊笑吓都好丫

南亞餐廳 (一聽就令我諗到 "金融海嘯" ) 最近確實無咩人幫襯佢喎

碌冧越南餐廳 (大家應該諗到點解我覺得好笑) 佢開將個日每個人行過都有笑....

薩莉亞 (未食就話殺你喇, 拱你重入唔入去丫嗱)

我諗以上的店名只是冰山一角, 我相信香港還有許多古靈精怪的店舖名, 大家走在街上時不防留意下, 可能比你發現天怪更好笑嘅名架, 不過記得話我知喎!!

2008-11-14

多得你

其實這篇blog我想寫好耐, 諗黎諗去一直都無寫出黎, 但是今天我決定post出黎, 我覺得係時候出街喇.....

社會裡面有無數種類嘅衰人 : 有些總喜歡帶著假面具示人, 有些喜歡做些損人不利己嘅事, 有些喜歡狐假虎威, 有些喜歡搬弄是非出口傷人, 有些搞盡腦汁使出陰招, 有些無事生事務求你不得安寧, 有些更是無中生有作故仔, 有些就搖風擺柳玩騎牆..... 真係各式其式總有幾種o係你左近!

你未出現時, 我的人際關係都算不錯, 起碼好過現在!! 睇唔出你係咁嘅人, 起初我以為你只是大聲夾無準喜歡出風頭, 講下是非! 原來你深謀遠慮, 無所不用其技, 在人前人後種傷我, 更離譜係你無中生有吹水作故仔黎唱我! 而我一直像傻仔一樣以為你係關心我, 原來你o係在我身上套料........ 無可否認你的出色嘅演技的確令大部份人相信你!

我無諗過你衰到咁樣, 直至我親耳聽到你同某人三番四次講我是非, 我已否定妳同佢的人格!! 的確有邊個唔講是非, 當笑話聽左就算啦, 妳就偏偏用來離間他人與我的關係!

其實我有些佩服你, 你可以令人對你深信不移, 可以令人以為你係一片真誠! 我亦好多謝你令我認清身邊嘅人, 一些我以為係好朋友, 好知己嘅偏偏對你言聽計從傷我最深........

雖然我唔知幾時先可以真相大白, 幾時會雨過天晴, 但我相信有咁嘅一日! 今日我比你活得快樂, 因為我從昨天的傷痛中釋懷我樂於活在當下, 而你還是依然故我困在昨天!

這件事對於我是先苦後甜, 無錯在事情發生嘅時候我非常難受, 我經常為此事落淚, 但到最後我還是感覺良好, 覺得是我人生中一個好好的體驗!!

2008-10-26

choice

選擇

我們在很多方面都是, 看似有得選擇實質唔到我們揀, 無論在生活, 工作, 社交, 家庭....

但是當我們嘗試細心想想的時候, 我們都是有選擇權的, 例如 :

生活 : 平淡或精彩都可以揀, 夜夜生歌後遺症就正正是你自己揀來的了

工作 : 上司的無理是無得揀, 我們可以揀平常心對待, 並不是憤憤不平

世界並不是只有兩端, 不是對便是錯, 我們仍然可以在兩者之間找到選擇的地方, 不過當我們有選擇權時, 我們的揀選就決定了有咩後果! 我們的選擇權有多大, 後果是什麼就有多大!!

當有得揀時你選擇了做出傷害其他人的事, 不斷講是講非, 更做出無中生有的事, 在朋友圈中搞小圈子, 排斥唔喜歡的人!!

恭喜你, 你做得非常成功....不過我深信天有眼, 時間是證明人格的最好良藥!! 如果有一日你眾叛親離, 不要問點解係你自己揀架...!!

2008-10-22

窩心

女生常說男生不夠細心,不懂關心自己,忘記自己生日或什麼記念日...等等

有部份我是認同的,不過有時應該為他們平反一下,如果他太溫柔太細心,妳咪又會覺得佢唔夠男人味!

粗心大意的他們偶然都會做些窩心的事情:

話說去海浪當日有人打電話比我,我諗當時我玩緊 "越礦飛車"所以聽唔到電話,奇怪係部電話無拉拉打返轉頭,對方只是聽到我不停大叫又唔知我發生咩事,佢斷斷續續打左6次比我,直到我半夜返到屋企都唔知有人搵我喎;最後係佢第二朝6點幾打黎好緊張咁問我去左邊做乜唔聽電話,我先醒起部電話改左無聲所以一直都唔知佢搵我!

雖然比人一早摷醒鬧左一輪,雖然佢唔係我邊個,不過想到一向視工作如命的他由昨晚搵我到第二朝,我就有種窩心的感覺!

有人緊張妳,為妳擔憂...那天我走在路上想起這事都忍不住回心微笑!

原來你也可以令我很窩心的!

2008-10-18

從搭錯車的一天去海浪

10幾年無去海浪公園探威威隊長喇, 決定要去玩吓點知..........

出發就唔知點解搭錯車, 明明睇左幾次架車會到門口, 點知原來係回程先經囉.....

入閘張飛又過唔到喎....睇黎成個月都重要做黑仔da喇!

海浪變左好多, 起碼與我記憶中的海浪不同了......

熊貓館...安安佳佳年紀大成日訓, 好彩還有樂樂盈盈比較活潑; 起碼會爬去同伴個頭到拉屎....

海洋館...我最喜愛的地方, 不同的魚可以和平地共存在一個空間.....多好!!

越礦飛車...的確好飛啊!!

滑浪飛船...應該改名"海嘯飛船"睇相就知啦!!

今次有bonus喎...當我們諗住坎嘅時間, 行行吓見到個館無人入但開左門, 咪撞左入去look look囉, 撞正係餵食海獅 & 海豹時間....隻海獅有名架叫Terry, 又幾好睇喎!!

2008-10-06

一條冷的生日

年年生日我都同櫻記媽媽食飯,今年佢居然無原無故放我飛機

所以今年我嘅生日就係自己去左食飯

出奇地我感覺ok喎, 唔係好孤獨, 反而覺得可以靜靜地食餐飯都幾好丫!!

原本諗住媽媽未食過避風塘嘅野, 就帶佢食吓, 雖然佢放飛機我都照去

沙田新城市廣場(周記)

我一條冷叫左 : 避風塘炒蟹, 豉椒炒蜆, 燒鴨河.... 我居然食得哂不過真係飽到頂點囉!!

不過這間(周記)我唔會翻炒囉, 啲蜆有沙...隻蟹油太多浸到淋哂, 燒鴨河就ok幾香

2008-10-04

哈皮飯局

第一個哈皮飯局在3號無拉拉開始左:

5個傻人去左食日本菜,叫左魚生飯,牛肉煱,壽司,薯餅,沙律,炒雜菜(全部都好好味)

收左份非常驚喜嘅禮物(蘇打綠~向左走向右走~)原聲大碟,小紅重要用小威嘅樣做左花紙包比我!真是開心死我囉kakaka

之後我們去左飲野,重有蛋糕切添啊...

有得玩,有得食,有得飲,有相影...錫哂妳地啊小紅, eling, alfie, joey

2008-10-02

心頭好 part two

心頭好係一不離二的事情

繼手提電話後,我中毒似的忍不住買了Patrick cox錢包

"紫色亮皮好少出架,重要係日本限量版喎,格數又好用...!!"

以上是當日個sales嘅對白,最後我梗係買左啦!

因為我比左個非常好的藉口自己:『咪當送比自己做生日禮物囉!』

都話會用不同藉口,不同理由;令自己擁有心頭好架啦!哈...哈...