我同科學家上次整豬屎激太成功, 太開心喇! 所以我們雄心壯志再接再厲再去玩過!
今次揀左個"芒果拿破崙酥皮蛋糕"黎整, 今次真係整估個整喇!
開始要猜皮, 轆皮, 再壓實佢, 以上3個程序重覆幾次, 最重要係程序唔可以錯, 一錯個酥皮就焗唔起架喇, 中斷不時要將塊酥皮放入雪櫃雪下佢, 阿sir話拱樣焗出黎會酥啲...就係咁樣一搞就4粒鐘!!
當然我們個蛋糕係成功嘅, 重效果唔錯添, 不過就係花了很多時間同精力囉!
下次我點都要整麵包....
科學家未整就已經死左半截...
轆啊...轆啊...
中場休息時間, 阿sir請食"木糠蛋糕"
櫻記芒果拿破崙酥皮蛋糕....完成!!
阿sir叫我們曬番啲相比佢喎...
思念 : 是一種病, 是種反覆不斷自動發病嘅絕症!
思念 : 令人情緒不安, 食不知味 (想減肥就最啱)
思念 : 令人有時在半夜突然札醒, 然後惘然不知為何...
思念 : 你會發現夢見對方只是很平常的事
思念 : 看到任何東西都會想對方合適嗎? 不管是否買給對方...
思念 : 一天當你走在路上, 看到個背影以為是對方時, 證明你已病入膏肓產生幻覺
思念在每個人身上的病徵也不相同, 如果你發現自己與此病症絕緣, 請你快快求醫! 世上居然有如此無情的人, 唔快啲睇醫生我驚你無得醫.....
如果你像我一樣有此病態, 恭喜你!! ...因為有人讓你如此思念是件痛苦得黎又異常浪漫嘅事!
說到關於思念，以下的歌詞是否曾經觸動過你，曾經使你再三細味！
思念是一種很玄的東西 如影隨行 無聲又無息出沒在心底 轉眼吞沒我在寂寞裡 我無力抗拒特別是夜裡 想你到無法呼吸 恨不能立即朝你狂奔去 大聲的告訴你 我願意為你 我願意為你 我願意為你 忘記我姓名 就算多一秒停留在你懷裡 失去世界也不可惜。。。。。
～生病～對每個人的感覺都唔一樣，我唔係一個成日病嘅人，就算病我都係會去藥房執藥食o個種人，係要病到死死下先會去睇醫生；所以每次去醫生度佢都會同我講，好耐無見喇喎！
一般我去搵醫生都係因為隻手要睇皮膚敏感，去攞藥膏搽，而昨天我又去左搵我個家庭醫生，原因係．．．
一朝早起床已覺得全身骨痛，成個人無哂力咁；心知不妙！諗諗下都係決定請假，看看時鐘打返公司又好似早得滯，於是搵定張覆診卡出黎睇下有無醫生睇，大家都好清楚現在啲醫生唔係日日都開診架嘛！check完好彩朝早有得睇，之後我嘅艱辛旅程開始喇．．．
我要拖住軟奶奶兼骨痛嘅身軀去熬成粒鐘巴士，在巴士度又唔敢訓因為要打電話返公司請假，同打去醫務所掛號；去到醫生度先知死，咁早都要等成10個先到我（這是我一直唔想睇醫生最主要原因）姑娘收探熱針之後好緊張同我講，妳103度喎我比妳下一個入去見醫生丫唔使驚吓，驚咩啊無糧出我就驚（sorry!當時我唔知103已經係高燒）；入到去醫生又係同我講o個句～好耐無見喇喎～之後佢話我發緊高燒啦又問我有無人陪我黎啦同有初起腸胃炎囉，佢重要我在醫務所睇住我食一次藥先比我走囉！唉．．．我又要熬成粒鐘車返屋企，回程重辛苦過做乜啊又眼訓又頭暈又想嘔！最後我忍唔住打電話比媽媽，話比佢知我發緊高燒好辛苦乘機喊下囉．．．！
返到屋企我居然叻到自己煲粥，唔係我唔識煲係我已經暈暈地無乜動力嘅情況下，我應該在樓下求其買碗粥咪算囉，做乜傻更更咁自己煲遮搞左一輪先可以上床訓覺覺豬！
15:00電話響原來係小紅打黎，佢話成村人搵我又成朝唔見我上MSN估我係病左喎；哈哈．．．又係喎我無論返工或者放假都日日上MSN，唔上線最大機會的確係病左喎，真係要多謝科技發達！
~浪漫農夫~是我在朱肝寶氣中聽反黎嘅! 當晚我聽完咩係浪漫農夫之後我真係忍唔住喊左出黎!
浪漫農夫 : 顧名思義落下愛的種子後, 適心照顧但有可能沒有收成!! 他會一廂情願為對方付出, 不斷供應對方, 以為對方終有一日會明白, 希望自己在對方心裡的分數是不斷增加, 其實對方只是不好意思拒絕你, 所以一直有禮貌地接受, 但沒有回應或只是什麼也說尚可...!
在感情的世界裡我明白是沒有公平, 是沒有理由, 是自私, 是懷疑, 是包容, 是佔有, 最重要是付出..., 原來單方面付出是可以令人感覺如此難受的! 有那麼一刻我覺得胸口像被刀插了一下, 是深深的插了一下! 我像不能呼吸一樣軟軟地窩在梳化裡, 眼淚像缺堤一樣流出來, 整整一個小時後我才回過神來, 才知道自己哭了很久, 才知道自己真的在乎, 在乎一段可能沒有結果, 可能沒有將來的感情....
請你不要一直禮貌地接受我的好意!
請你告訴我, 我不是"浪漫農夫"
求你坦誠面對自己的內心
求你認真思考自己的感情.....
人人生日嘅人日...我們去左啤啤蕉!!
原本諗住翻炒"九華徑"點知比居民強烈投訴, 比政府收返唔比做燒烤場! 結果我們去左小欖啤啤蕉
今次有新成員加入, 有maggie同警花may重有皮皮姐姐melody同vincent表哥添啊! 佢地都幾好傾架, 警花may一聽到我們話會去唱K, 我見到佢對眼馬上發光, 話一定要call埋佢喎真係好搞笑!
天氣好好啊, 雖說有啲曬不過之後都有風, 尚算okay啦! 我們由3點幾燒到差不多8點可以算係馬拉松式啤啤蕉囉!!
臨走嘅時候, 隊長提議在facebook度搞個UB40 group, 以後有咩活動通知大家都方便啲, 我返到屋企就咋咋淋搞左lu, hee hee...!
大官影完lee張相之後, 佢話自己靚仔過表哥喎!!
張相啲顏色好靚, 細佬又笑得好sweet喎!!
這張似唔似舊式影樓嘅家庭照啊...呵呵呵!!
多謝小紅願意企正中間!!
