6日狂奔回港後緊接去左"灘友飯局"雖則當日沒有灘叔, 我們一樣玩得開心, 食得過癮, 重傾得放過<夜夜開放>添!!
奀豬小姐.....多謝妳的藍梅之夜芝士餅, 真係正...正...正....!!
柱.....多謝你著住條鐵底褲出黎, 我期待你穿上紙胸圍燒唦嗲!!
season....感激你美化了好遠嘅路程, 因為在你眼中都只是<對面街>
小紅.....多謝妳陪我們說了一晚"童年小吃"回顧
20....仍然大風都吹得走妳, 多謝妳為我們獻上一口芝士餅
灘叔........唔知當晚你有無打噴嚏呢? 因為我們不時都提起你! 還有我們都希望你快啲開心返, 同我地癲返晚!!
各位灘友.....想要返啲相就留低E貓比我啦!!
同場加映 : "奀豬的藍梅芝夜cake" & "灘友交煙花"
我唔知以下寫嘅野係咪各位姐妹的心聲, 起碼係我個人感覺 :
女人最有吸引力的時侯：「抱著小寶寶臉帶微微滿足嘅笑容」
女人最嘔心的行為：「食飯時在餐桌下脫掉高跟鞋」
女人最心痛的時侯：「被自己深愛的人出賣」
女人最豪爽的時候：「當然是買限量版手袋, 衣服, 手錶, 首飾.....嘅時候」
女人最溫柔的時候：「欺騙男友或老公之時」
女人最差的承諾：「我以後唔買名牌」(因為永遠唔會做到)
女人最妒嫉的：「足球, 兄弟, 啤酒, 馬仔...」(因為這些往往比自己重要)
女人最理性的時侯：「吵架數他的不是嘅時候囉」
女人最理直氣壯的時侯：「咁你愛我多啲定你啲兄弟丫?」
女人最緊要的：「可能係自己」
女人最引以為榮的：「嫁個好男人...同行到老」
最近灘叔有篇文章係"給男朋友", 他說遲些會有"給女朋友"不過唔知幾時.....諗諗吓我都寫下自己嘅睇法先:
男人最有吸引力的時侯：「忘我工作時」
男人最嘔心的行為：「替女友抽手袋重要係好女人個種」
男人最痛心的時侯：「失戀的挫敗感，女朋友在他快打爆機時唔小心關掉電源....」
男人最豪爽的時候：「簽下一紙婚書」
男人最型的承諾：「工作受氣咩，辭工吧！我養妳」
男人最屎的承諾：「愛妳一生一世，至死不渝」
男人最賤格的時侯：「打女友或老婆」
男人最理直氣壯的時侯：「講大話狡辯的時候」
男人最緊要的：「朋友（兄弟）」
男人最引以為榮的：「傷女無數仍然生存至今」
************** 待 續 < 給女朋友 > ********************
