忘了時間的鐘

2007年最後一天喇! 你會做喲乜o黎過渡去2008呢?

• 去count down?
• 去除夕party?
• 去山頂睇"結霜"?
• 去做一日o既"威尼斯人"?

我就爆冷咩都唔做, 安坐家中陪下已與我共渡幾十個寒暑o既媽媽!! 可能佢唔多覺我係特別留低陪佢o既, 因為未到11點佢已經自己入房ZZZZZ喇!

搞到我一支妹窩在梳化裡, 好cool咁飲我o既"百威", 咁o既形勢底下打死都唔睇倒數節目啦! 好無聊咁睇左Xmen, 摷返隻"真的戀愛了"同"Holiday"再睇過.........

我o既2007年最後一日就係咁過左, 令我諗到套韓劇o既對白：『幸福的人係唔使睇錶, 因為時間對他們來說沒有意義! 千萬不要比時間走入你的心裡一直"的達的達..."的纏繞你! 要好好珍惜與親人的每一天! 找到可以愛的人就放膽去愛那怕是一年、一日或一小時!』又係喎! 時間應該係幫我們處理事情而唔係時間控制我們做乜o野!!

2008年~櫻記士多祝各位 : 心願成真! 人人有工開, 餐餐有餸加, 食飯有人陪, 單身有目標, 情侶sweet再sweet喲.......總之個個開開心心啦!!

老土喲講句：「Happy New Year 2008」

如果有一天

今日看看月曆2007年只剩2天了, 會去count down嗎?? 怕人逼人因我已夠big 怕無人陪因我得了autism 怕喝多了第二天不知在那裡 怕警察叔叔同我講"Happy New Year"..........

如果有一天：身邊朋友都沒有了我會點?

如果有一天：至親離開了我會點?

如果有一天：只能躺在床上，不能動我會點?

人生也許多次跌倒, 也許平淡沒生氣, 也許兜兜轉轉得個吉, 也許一夜成名, 也許名成利就, 也許...

這些事未發生到自己身上, 永遠估唔到自己會點, 周遭太多如果, 意外, 突變........

我慶幸自己是96%有良知的人, 因世上有4%的人毫無良知 (灘叔介紹本書話o既)

我慶幸自己還食得...飲得...行得...走得...笑起黎有牙就得

我慶幸家人齊齊整整, 健健康康, 唔使我擔心

我慶幸自己有主耶穌

我慶幸還有一班老友撐住我, 陪著我嘔.........

講到尾我都係想做個 " 風騷快活人"

趴地

剛剛過左涷涷地o既聖誕, 過多幾日就係2008喇!!

平安夜在網上與灘叔, 灘友齊齊聖誕倒數, 12:30am出左街同班老死去飲杯drink, 旺角多人到我頓時覺得變左老餅, 因為我開始怕人逼人的場面!!

25號去左個叭地, 食食食......好開心可以同班o岩咀形o既friend一齊玩下食下, 我已經感到很滿足喇!

26號去左濕地公園看(貝貝)不過佢似冬眠多喲, 去蝴蝶園撲蝶...感覺好old school啊!!

這2副係我幫教會搞o既聖誕佈置

這副係明年3月會出世o既"黃小姐"

今年聖誕看似平淡, 但又好似搞左好多o野, 有幾多節目.... 諗諗下咁都幾好啊, 總之個個齊齊整整, 開開心心, 健健康康咪得囉!!

灘友齊齊冬至開心大派對

櫻記士多休息去左參加灘叔：" 灘友齊齊冬至開心大派對 " 真係好開心, 今年有成40幾人參加左, 我諗灘叔都估唔到........ 今日真係好開心....超開心.....勁開心......., 淨係齊齊玩 "放輕鬆" 都已經笑爆咀啦, 有人同場加映"靚仔一字馬".....重勁過東華籌款啊!! 今年無參加o既真係蝕....蝕啊....蝕哂!

靚太Bo, Bone, 勁搞笑阿Ann, 灘叔 & 櫻記

Hilda, 囝囝 Issac與我

Lee條就係傳說中(獨一無二)由櫻記親手打做o既 "灘巾"喇!! 哈...哈!!

塊餅係咪好Q呢!! 有位靚女做比灘叔架!! 佢不知幾開心啊 yeah.......!!

話明有得飲, 有得食, 重有禮物攞, 飲同食得既都落哂肚喇無得睇, 比份禮物大家睇o下啦!! 係咪好羡慕呢........係咪有些少妒忌呢!! 哈........哈!!

我心咁興奮

櫻記士多啟示：

12月22日(冬至) "東主有喜~休息一天"

與海灘有個約會 『灘友Gathering』有得drink, 有野食, 重有獎抽添!

未出發先興奮：

• 人：一早準備好，o個日打死都唔返工
• 行李：咩都可以唔使帶，淨係帶個（真心）就得喇
• 相機 ：叉足電，出動4GB卡 ，務求拍低當日精彩場面
• 心情：情緒已keep住高漲成個星期
• 入場費：多多都比佢
• 禮物：一早整好左

現在萬事齊備，最後倒數．．．．．

眼淚為妳流

星期一中午收到電話, 知道"忌廉米"隻眼有不是"血管瘤"只是一般"眼瘡", 終於放下心頭大石鬆了一口大氣! 為了這事我個心忐忑不安了整整一個星期, 每天也為"忌廉米"祈禱, 我光想到一個2歲多的小小人仔要全身麻醉, 揭開眼皮做手術已全身發麻! 在她媽媽面前又不能說出我的擔心, 因Betty已擔心得要命! 好彩!星期一收到電話說是"眼瘡", 雖然手術仍是要做, 不過就簡單得多幾小時後她已出院了, 我聽到消息後已忍不住哭了出來, 那種如釋重負感覺真是會令人落淚的! 當我流淚時我才茫然知道, 原來"忌廉米"在我心中的位置如此高! 不過她那超可愛的神情, 古靈精怪的動作確是教人會愛錫她, 好好保護她!

我看 "東京鐵塔~gulugulu~"

"東京鐵塔~我的母親,父親"

我是遲遲也不願意去看, 不是不想看而是怕看了心裡不舒服加上找不到合適的戲友……! 最後我找到了戲友, 忐忑地去看這套 "東京鐵塔~我的母親,父親"! 其實我已知道故事內容, 因為原著小說我已看完; 我沒有在車上看, 也沒有在cafe裡看, 太怕一直吸鼻子, 抹眼淚的樣子給人看到…我選擇了在家裡窩在床上一天把它看完, 結果第二天早上我掛著一雙又紅又腫的眼睛上班!

可能故事內容與我的家庭背景十分相似, 我看不到一半已經哭了出來, 有時父母的關係我們真的不會明白, 他們的經歷真是只有他們才了解! 往往就是古古怪怪的明明分開了又互相交纏不清! 口說恨他, 但就是久不久會去看看他, 過時過節會與他吃個飯!! 真是剪不斷理還亂!!

電影的時間有限, 所以我覺得表達上是不夠書中的細緻! 像有段說男主角上初中要到東京讀書, 在火車上媽媽給他10000yen, 還親手做了壽司給他帶在路上吃; 電影的表達就不夠小說中的教人感動了! 不過電影當然優勝在有聲有畫面; 令人有感觀上的刺激; 這點就在最後男主角說的一段獨日中表現出來, 亦是我覺得全套電影最正的一段 !

看過"東京鐵塔~我的母親,父親"的人, 我想也許會像我一樣......回家第一時間緊緊的擁著母親, 跟她說一聲：『媽媽~多謝妳!』

幾分鐘的約會

身在遠方.....我掛念的你......好嗎?? 每每在做一些事時特別會想起你：打羽毛球、喝茶、躺在柏麗灣的草地上、小悠把玩著我的手機時.........!! 小悠的頭號Fan's.....想必你也很掛念小悠了吧! 以下的片段是特別送給你的....

醉眼看世界

最近我常常想起"羅記"o既<醉眼看世界>其中幾句歌詞正正係我o既心聲：

• 我醉眼看世態，人人古怪！
• 飲番杯，不必記掛；聽朝博命捱！

身邊古古怪怪的人越來越多，又避免唔到要同佢地接觸；用句歌詞安撫下自己先！佢死固固唔變咪唯有自己變囉！

醉醉地睇咩都矇查查，唔使睇得咁清楚；免卻許多不必要既麻煩及勞氣！ 反正第二朝大家都係要博命捱架啦！

廿四年後的楊過

近日因為華仔救歌迷事件, 有人說他似當年 "天若有情"~華Dee feel~ 反而我覺得似1983年TVB拍的 "神鵰俠侶"~楊過 feel~

最深刻莫過於 "斷腸崖" 16年的約定及16年後回來不見姑姑的一夜白髮。 【問世間、情是何物、直教生死相許、天南地北雙飛客、老翅幾回寒暑、歡樂趣離別苦、就中更有痴兒女、君應有語、渺萬里層雲、千山暮雪、只影向誰去！】

當然還有那首經典插曲 "情義兩心堅" 【情若真，不必相見恨晚，見到一眼再不慨嘆，情義似水逝去此心托飛雁，遠勝孤單在世間。情若真不必驚怕聚散，變化轉眼也應見慣；誰願去撣慧劍，此心托飛雁，縱隔千山亦無間。愛比朝露未怕短暫，存在倆心堅，情不會淡，別去已經難；重會更艱難，愛火於心間，不冷。情若真，不必苦惱自嘆，縱已失去也可再挽，情緣至今未冷；此心托飛雁，那怕悲歡何妨聚散。】

金庸的"神鵰"我是看早期的小說, 他在2003年有新修訂版, 我也想買套再看看尋回當年的感覺! 記得書中有句 《李白 ~ 三五七言》 秋風清，秋風明；落葉聚還散，寒鴉棲復驚。相思相見知何日，此時此夜難為情!!

氣難平...

我塊豬仔面生左粒(超級不死爛纏無名瘡)成三個星期都唔好, 星期日同班friend去左柏麗灣, 忌廉米媽媽比左樽啫喱膏我試下! 原本決定去找凹凸容醫搞搞佢; 有藥膏諗住擦兩三天唔好先去搵凹凸容醫啦!

令我氣憤的事發生喇......其中有條友仔無啦啦大大聲同我講：「妳個粒血瘤重唔去睇醫生」..... "血瘤"??? 嘩! 當時我真係嬲到出哂煙, 好想鬧爆佢我深呼吸同佢講：「如果妳唔知咩叫血瘤就唔好隨便講...唔該妳講野之前諗清楚先啦!!」最令我嬲爆係佢重要加多句「咁真係血瘤啊嘛, 我都係關心妳」

我嬲到出唔到聲啊! 原來當妳興爆時真係會講唔到野!最後我同佢講：「麻煩妳返去查下咩叫血瘤先o黎關心我啦, 我受唔起啊!」

『講野之前停一停諗一諗, 唔好比把口快過個腦; 免招殺身之禍!!』*~*'...........

來...交出你的心

有人話如果(愛)沒有了心, 就變成(受)。如果你唔再愛那個人, 的確一切也是受苦!

諗諗下"愛"無左個心跟本就不成愛了,沒有心的愛跟本什麼都不是!

做事不也是一樣嗎? 要有heart啊嘛!有心做咩都有機會成功, 無心做咩都做唔到!

要明白真正的~愛~不是一件簡單的事! 入場最低消費起碼懂得：忍耐、包容、原諒、謙卑、接納...其實還有許多,起碼我的信仰話我知：「愛是恆久忍耐又有恩慈,愛是不嫉妒不自誇不張狂;不作害羞的事,不求自己的益處,不輕易發怒不計算人的惡,不喜歡不義只喜歡真理,凡事包容凡事相信,凡事盼望凡事忍耐;愛是永不止息」 好似好複雜其實只要有~心~, ~愛~就在你左右!

站起來用心做放膽愛!珍惜眼前,抱緊愛你的人!

我的~牛扒出前一丁~

什麼是理想的"家"? 有露台...過千尺...酒店式大堂...設備完善club house...,這曾經是我的夢想

人大了比較實際, 一天忙碌工作後, 回家最想有人跟我說『返o黎嗱!』

上星期做到天昏地暗, 工作好像沒完沒了, 晚晚回家隨便煮個出前一丁, 已開始有點食不知味!

有一天媽媽見我回來後便開始煎牛扒, 我奇怪她為什麼還未食飯，我沖涼後她叫我快點吃接著她便看電視；我問她不是一起吃嗎？原來她已吃過飯只是特意煎牛扒比我食!雖然那是好普通的牛扒我更唔明點解要煎牛扒, 但我鼻頭還是酸起來眼淚仍是流下來, 當晚我吃了令我感動又滿足的(牛扒出前一丁)

現在我最理想的"家"只需要有她!!

『步伐是否感覺疲倦了 現實令你感到無奈 只懂每日每夜忙碌裡兜兜轉轉 似沒了沒完 但願讓你知道 神是愛 在路上每一秒同在 可否接受這份純真愛一生歡欣 快樂精彩 回家　將傷痛放下 看透俗世謊話 迷失漆黑中祂總把你念掛 回家　即使新世代全然皆冰冷 在這屋裡 有主的愛 別再怕 !!』

怪＝.......??

今日上灘叔個blog發現以下幾幅得意古怪的圖片：

我唔明大閘蟹關（飛輪海）咩事呢?? 我又唔明大閘蟹又關（棒棒堂）咩事呢?? 我更唔明好好地個（西瓜）為什麼要種到咁嚇人o既樣?? 唔通越古怪＝越好賣?

那天再重聚?

楊過在斷腸崖苦等小龍女十六年一夜白髮 『問世間 情是何物 直教生死相許 天南地北雙飛客 老翅幾回 寒暑歡樂趣 離別苦 就中更有痴兒女 君應有語 渺萬里層雲 千山暮雪 只影向誰去』

Amanda Lee相隔七年再戰樂壇出左新碟： 聽後感『唱得之人~莫等閒白了少年頭空悲切』

Eagles雖我不是苦等28年那批支持者, 但從Hotel California開始我也是苦等了18年, 新碟聽出『每粒音執到好精緻, 18年的等待值得......』

一生中有許多人要等, 有許多事要等, 也許是空等, 也許會等到, 誰在乎? 在乎等的過程中不是光等, 是有付出有盡力有忍耐的等........而這樣子的等待才是美, 才是鍛鍊!

又會咁轎o既........

以下是小妹收到兩份遲來的生日禮物, 單一看是沒有什麼的,

但我拿著兩張出自同一個繪畫者既時候我就覺我好搞笑喇!

重有啊!! 你們這群老友記多謝你們的心意!

但我決定派殺手暗殺你們, 為什麼送張咁既畫比我, 咩意思啊..........!!

隨想記

最新我個小豬腦好忙, 每每跟自己說係時候要做啲野......

• 實踐延誤多年的進修計劃
• 加強對人的 : 包容度, 接納度
• 與媽媽去(張家界)旅行
• 買部手提電腦

小豬腦塞滿這些計劃, 忙碌的工作天天沒完沒了, 但小豬腦不斷提醒自己要加油要努力實踐心中的計劃, 所以我要多多多多正能量......要自己控制得好使這些念頭變成推動力而不是壓力!

努力啊! 加油啊! 櫻記士多................go go go !!

<麻不甩> 之 "報紙檔情懷"

報紙檔也是我常去的地方,以前的雜誌比較小本我依稀記得早期有《金電視》,《大眾》,《青春》,《螢幕偶像》,《YES》,《玉郎漫畫中的~情若無花不結果》等...都是我少女時代的必讀欣物, 以前重會用雜誌中間明星彩頁包書不知幾靚, 又會寄信去攞明星簽名相喎, 諗起都覺得自己超低能!

時而勢逆有許多報紙檔給(OK)或(7仔)取代, 仍然生存的大部份都是阿叔或阿嬸睇檔, 唔知報紙檔算唔算係夕陽工業呢?

<麻不甩>之5個半a餐

ATV改革不單止有新logo, 更有新氣象以後逢星期一及五晚7:30pm; 大家可以多個 good chooice 睇睇灘叔, 正所謂 : 日日做到無停手, 總有睇下海灘o既時候啊嘛!!

愛從何來?

(父親/爸爸/老豆...)這些稱呼出自我口是很少,我也很少在朋友面前提及他...他在我心中就是一個存在與不存在都沒有太大分別的人!

由於媽媽返紗廠要輪班, 從少我跟外婆住每天媽媽會來看我一起吃頓飯, 媽媽就是這樣與我保持著良好關係;而爸爸永遠是過節我才能看見。記得小時候問過媽媽我係咪私生女, 比佢打左我一拍掌以後都唔敢問, 後來我知道唔係, 不過我覺得如果係反而我個心會好過點!

小學5年級我跟翻媽媽住, 開始要與這陌生的父親相處, 發覺佢一年總是有大半年唔返工, 天天待在家中咩都唔做; 而我媽媽就日做夜做, 我唔明白點解佢咁樣這個疑問直至今天我都係諗唔明!

記得我中一那年開始憎佢, 因為那年我見佢同媽媽打交, 我拉開佢比佢打斷手骹! 他那種想殺死人的眼神我還記得清清楚楚! 我一路好想日子過得快點, 我長大可以與媽媽離開佢,離開這個家庭! 很快我出來做事, 我們搬了新屋他連續3年都有返工, 一切好似有新的開始, 媽媽與我都以為他有改善有改變,不到一年後他上大陸搞什麼生意, 媽媽開始晚上偷偷落淚我知家裡已有事發生, 有一天我跟媽媽說離婚吧!我們搬啦離開這裡妳會開心點! 這件事決定後換來：他一拍掌打我之後我與他打起來, 他那邊的親戚說我不孝叫父母離婚...這些對我來說都不重要只要媽媽過得快樂!

三年後媽媽與父親做返朋友, 我深知她真的很愛他甚至可以接納他的新兒子/我的新細佬! 我免強接受因為小朋友是無孤的加上都唔輪到我唔接受,不是嗎? 一切已成定局!

但是今天我無法接受他的行為, 美其名是為自己做生日實際是壽辰暨婚宴! 他又搞一段新婚姻出來, 對方比我還小, 說得冠冕堂皇做生日叫屋企人一起食飯, 原來是比對方見下家人/朋友! 豈不是掛羊頭賣狗肉哈...當我們是什麼...?

你是我父親我無得揀, 在這種家庭出生/長大我都無得揀, 多左個細佬更加無得揀...但是今天我可以揀唔出席, 我唔認同佢做的一切, 我亦有得揀以後唔再見這個不知所為有等於無的父親!

這段blog我今天早上已寫好, 我一路等一路諗等到現在才放出來, 已有心理準備被家人責罵, 只想向今天被我放了大澳一天遊及晚上飯局鴿子的朋友有個交代說聲sorry! 實在不想你們看見我黑過黑炭的面色, 今天我只想一個人靜靜的想一想.....!

** 不要不要假設我知道 一切一切也都是為我而做 為何這麼偉大　如此感覺不到 不說一句的愛有多好? 只有一次記得實在接觸到... **

重複犯錯

犯錯...跌倒...改過...站起來...重新開始...再犯錯...改過...又再犯錯......往往明知是錯就是不自覺地會去觸犯......到底是明知故犯還是習慣重複犯錯!

越不想在那點犯錯往往就在那點出錯

越是害怕觸動傷處就越容易揭起瘡疤

越是想頭也不會一直向前就越會停滯不前..........

種種案例也是令人害怕, 使人不想改變最好一切依舊!

但正能量告訴我, 這一切只是虛有其表, 要改變才有新的意義!

正當我想改變時才發覺自己能量不足, 睇怕我都係時候要去深山修煉修煉, 又怕山中方一日, 世上已千年。

正能量跟我說：『只要現在這一秒活得精彩、活得豐盛；那怕再次受傷再次犯錯；因為傷處已結成疤痕，它的存在只是告訴你有過這樣的經歷，又何需要害怕!』

唔知點解今年生日我咩都諗唔到, 淨係諗到上面o既o野, 興幸我腦中仍然諗緊正面野, 唔係對住個蛋糕唱：『綿綿夜雨無言淚珠, 陪我慶祝今次生辰; 綿綿夜雨無言淚珠, 齊來為我添氣氛!!』

多多加添我 "正能量".......我要 go go go !!

惘然記~色,戒

因為看了<色,戒>我才特別買了<惘然記>,想細看當中的味道。 一面看著那篇短短的文章,回想著劇裡的<湯唯>她就是做到那種羞怯,偉仔那種深沉令人有點心寒的感覺! 李安利用情慾那場戲把男女主角的關係推到不能分開的地步,像是有千絲萬縷牽著,每次令對方痛苦才可感覺自己存在;好像很可悲但確實是有這樣情侶存在; 互相不能放棄對方!

最後<湯唯>被槍斃,偉仔眼中盪著那腔不捨的淚時真教人心酸,他就是做到那種令你感受到的(痛)! 剔除情慾的感覺, 男女主角做得好好, 完全發揮到原文的感情....總括是(正)!!

小心笑爆咀啊......

<麻不甩> 專訪 "sa wah dee cup 編"

灘叔勁, 灘叔醒, 灘叔無得頂.....yeah!

連飲食版訪問都有你份, lee期你最紅啦!!

HOT ~Summer~

9月15日那天真係熱到暴...連天氣都襯埋, 在紅館門口等到成身汗, 就係為左lee位"Danny Summer" 本來我要坐20行左右架, 後來有人想同班friend一齊坐, 同我換位坐左上去第8行so luck哈....哈! Danny出場時把聲雖然拆但係已經好正, 唱唱下就好好多! 我叫足全場......high足全場.......好耐都無試過聽咁有水準o既concert喇!!

當唱到『交叉點』全場好自動一齊拍掌, Danny流眼淚我都一齊流眼淚; 那一刻係全場最感動既monment, 佢又好完美地用『空凳』做ending song.......真係正到痺無得頂啊! yeah..........!!