爆嬲...

我無錯啊................................

點解次次都屈我？

點解樣樣野都關我事？

點解你次次都蝦我，我都有媽媽生架！

唔係我錯，點解要我入房照肺？

我現在需要的是迪奶嘅打小人環節........

1) 打你個死人頭, 等你有女唔識溝

2) 打你個死人咀, 等你日日口爛變沐咀

3) 打打打.....打到你死唔斷氣半天吊!!

好嬲....好嬲......好嬲啊....... !!

由零開始

陌生的地方要適應是由零開始

新的工作要適應是由零開始

認識新朋友也是由零開始

新環境, 新景象, 要安頓亦是由零開始

我期待著醜小鴨變成美麗天鵝的那天..........

八傻情

八傻會館能夠成立真係要多謝Angie，一次(無灘飯局)集結左一班三唔識七，九唔搭八嘅人，當然我唔會忘記多謝你(死佬)唔係你個blog，唔係你個冬至扒地我地唔會認識！

我相信人與人之間有著不同的化學原素，而我們這班走在一起的化學作用就是(傻)(笑)(癲)，每次出黎食飯實笑唔停傾唔完玩唔夠癲唔哂，每次都好期待下次嘅相聚！

一班人能走在一起談笑不絕，是真誠，是坦蕩蕩，是無厘頭，是不計較．．．我相信是（緣份）使我們能走埋一齊可以一呼八應！

從荷包蛋走到越華會

睇左Ann Choi嘅個人攝影展，感覺就像她的攝影展名一樣："太陽蛋" 有一種家的溫暖感覺

婚紗照她喜歡拍下新娘，新郎的表情，往往都能捕捉微妙的一刻

家庭照她也是捕捉一家人開懷歡笑的一面

睇完展覽去左"越華會"食飯，叫左蛋黃瀨尿蝦，蔥油雞，沙拉骨，油鹽水蜆，椒鹽豆腐...樣樣都好好味！

　

美食令人開懷，但同桌的朋友也是令人歡暢的原素，每次跟妳們吃飯都是很愉快，傾得玩得飲得又癲得。。。

八月十五荷包蛋

荷包蛋比人一種溫暖嘅感覺，加上一塊多士，一條香腸或火腿；就有能量開始一日的工作

有無諗過荷包蛋可以成為一個攝影展的題目，Ann Choi就用lee個名開左個攝影展

16-Aug to 21-Sep西灣河鯉景灣.蘇豪東, 得閒去睇吓，你會感受到不同的世界

做靚坤的日子

大家還記得"靚坤"這號人物嘛？在古惑仔一片中的壞人角式由吳鎮宇飾演；佢做得最出色係把老牛聲，有時會牛到走音添．．．

由前天開始我由小鳳姐變成靚坤，昨天更做左大半日等你說愛我中的"酒井法子"，連打電話反公司告假都唔得；最後要用SMS send message通知同事!

去睇醫生要等成廿幾個，諗住去食個早餐實無死，點知叫唔到野食逼住要寫比大家樂啲姐姐睇，唉．．．！

朋友打黎我無辦法同佢地講野，唯有收線轉用SMS聯絡！

咁都唔算慘．．．最慘既係o個頭食左藥諗住喪訓；lee頭樓上開始鑽牆嘈到拆天！又唔知避去邊喎，一鑽就鑽左５粒鐘。我有一刻諗過咁鑽法會唔會鑽穿天花，最好佢跌鬼埋落黎我可以成機踩佢幾腳打佢幾鎚！我唔明點解個個月都有人裝修，每個星期都有人鑽牆！樓市真係咁旺咩，成交真係咁多咩！

我諗做靚坤唯一嘅好處係，媽媽話我把聲好性感；聽到佢好眼訓！我都唔知好嬲定好笑，媽媽妳個gag好爛啊........

UB40最緊要好玩

UB40 唔係咩組織, 乜野團體, 而是為左記念一個傻佬生日, 一班傻人幫佢搞出黎嘅名堂, 印左件記念tee恤, 唔好問我件tee幾錢, 我地講心唔講金嘅, 唔係想要就有架!!

講到件tee可以完成, 真係要多謝 Eling, 因為個死人頭係佢畫嘅, 重有係Angie嘅安排, 小紅嘅印仔, 阿柱嘅送貨服務..... 唔係大家齊心合力搞都唔會做到!

齊嘩嘩去左打邊爐, 又嘈又叫又笑又飲又食癲癲吓, 齊嘩嘩著住件tee玩左成晚!

只要大聲哈哈笑, 無咩搞佢唔掂!!

此相足可以證明我地有幾愛你啦...鄒生!!

依真係可以攬得哂喎!!

無左lee班傻人, 就無今晚咁銷魂!!

齊齊影張大合照, 最緊要有埋妳Ann Choi !!

重捉妳唔到, Angel學人坐大肶 !!

hee hee 我都唔識講 ..

are you ready UB40

鄒海灘大人40壽辰

櫻記士多在此祝賀：天天有女圍，晚晚有得drink，日日咁晴朗，夜夜都開放

櫻記士多同仁敬賀

我在年幼時總是想一大班人同自己慶祝生日，高高興興玩到癲哂咁！當人漸漸長大開始唔想搞咁多野，最好三兩知己食個飯就算，再大個啲更會想到媽媽的功勞沒有她那天的終極痛楚就沒有今天的自己，所以唔知重邊一年開始我會在生日那天請媽媽食餐好啲嘅！縱然她每次都唔記得食飯原因，會說我浪費花錢出街食飯，我還是繼續每年的約定！因為至今我仍然覺得【沒有妳，那有我；唔多謝妳，多謝邊個!!】