你快樂所以我快樂

請留意以下MV拍攝者的拍攝態度，你會看見 "自然就是美"

望天發呆，諗乜o野

剛剛睇完無記重播的<衝上雲霄>，真是要說：『吳鎮宇你好型啊!!』

唔知點解今晚真係唔想訓，正確啲講係訓唔著，唔係又點會連半夜先做嘅電視節目都撈埋啊!!

我耐唔時就會係咁，無啦啦成個人會好抗奮，一啲睡意都無，雖然我已：搞左電腦；睇左電視；聽完嘩嘩嘩打到o黎2008；始終都係好精神！睇吓個鐘3點幾，我知道出事，因為一向3點後唔想訓時就真係會唔使訓，結果．．．我真係眼光光到天光！

其實我唔係想講訓唔著事件，而係我今晚望住個月亮發呆發左２粒鐘；我諗左好多野確實我係有許多事要諗清楚！原來我好享受自己發呆嘅時間，一時諗吓自己；一時諗吓屋企；一時又諗吓兒時發生嘅種種趣事，就係咁不經不覺間諗左２粒鐘！

望吓個天已有點白了，就快天光喇！又是一天新的開始。睇住個天慢慢由黑變灰，由灰變白，有一刻我好感動，感覺一切麻煩嘅事又有什麼大不了呢？最多就係像現在這樣罷了！新的一天即有新的希望啦．．．最後我做了一個好深好深嘅深呼吸；為自己打打氣又開始一天的工作去了！！

真命天子 ~愛情補藥黨~

出世喇。。。出世喇。。。鄒凱光嘅新書出世喇 <<愛情補藥黨>>

現在有得睇住封面先

將於7月21日出版咁即係書展開始當日有得買，而灘叔就會在7月25日 20:00-21:00有個簽名會，在晚上搞簽名會佢都係想多啲人可以去到，又唔使大家請假！

哈。。。哈我地八傻當然支持佢啦！撐完佢重可以去飲杯drink添！

愛情補藥黨點止係一本書咁簡單。。。數不清到底是你騙我騙你騙他騙她，但肯定的是，不論你甘心還是不情願，你，一定遇過！<鄒凱光最新散文短篇集，一年一度，感情擊中，腰心腰肺，令讀者哭笑不得，看完想打自己也想打作者的肉緊作品>

舊照片

昨天在收拾書檯時，發現了一疊小時候的照片，想想是較早前拿出來scan左落電腦度，這些照片的底片都找不到了；細看兒時的我傻更更咁，果然係傻婆一名！ 嘩．．．到底係我細粒定係個雪櫃變大左呢? (請留意失蹤多年嘅獅子銀行錢罌重現江湖喇)

無呀．．．我無食奶咀架!

媽媽．．．原來妳身材咁正架!

乜咁樣帶帽安全啲咩?

個生日蛋糕咁大嘅?

婆婆我好掛住妳呀，在另一世界裡的妳....好嘛!

lee個死靚仔 ..... 唔比人打死都偷笑!!

係呀...係呀.... 我反轉左頂帽都唔知啊!

他的赤壁

週末做左公公婆婆走去睇早場10:20am ........ wow !!

吳宇森拍的赤壁？講真我只可以比70分...點解？乜唔係他拍的就是好野嗎？如果你有睇face off，paycheck你唔信我唔怪你；因為我都係抱住咁嘅心態去睇，可惜我有點失望囉！

可能因為古裝嘅關係，一拉扯到歷史就會有比較，我有睇中央電視嘅三國誌，相比之下他的赤壁就顯得做作了點不夠瀟灑，由金城武做諸葛亮我覺得太靚仔；林志玲做的小喬沒有了那份(雅)...相比一班國內演員就有水準得多了，如張豐毅演曹操就做到有霸氣／胡軍演趙子龍就夠威武還有張飛.....確實係做得比香港演員好，可能是商業電影因素關係，現實就是金錢掛帥嘛拍得誇張點比較賣錢！

還有那些白鴿...........對不起，我覺得是全部戲最多餘的東西！

嘩嘩嘩...八傻齊賀易玲壽

　　　

地點：尖沙咀（住家菜）

任務：嘩嘩嘩...八傻齊賀易玲壽

我們八傻一齊幫易玲妹妹賀壽，順便我們八傻又可以聚聚，一齊嘩嘩叫，哈哈笑，務求嘈死大家為止！時日有意外驚喜，黎左個大家都預佢放飛機嘅特別嘉賓（鄒海灘）

我襯吃飯時將12個傻仔攞出黎，每人揀一個終於12傻人可以一家團聚喇! 不過大傻走先所以得11個影相!!

吃飽飽我們梗係唔走啦，直踩去飲野！大傻話返黎同我地飲一陣先返去開咪喎！一點鐘我們開收音機聽大傻做新節目（球來球往）有個啤酒姐姐走黎問我地聽乜，講極佢都唔知大傻係邊個，最後佢居然話唔聽收音機，真係比佢激奀！

最緊要我地今次任務係完成嘅，大家都好開心！

下次任務應該係八傻賀大傻。。。哈哈！

愛情補藥黨

7月23日-7月29日一年一度的灣仔書展又o黎喇!!

聽講有位人兄嘅第二個仔終於可以出世喇 : 鄒凱光 ~愛情補藥黨~ 真係望穿秋水!!

本書講乜 ....... 唔知!

本書幾時出 ....... 唔知, 不過一定在書展期間!!

本書咩樣o架? ....... 嘿! lee樣我知喎!! 比大家先睹為快啦!! ^~*

修正這才是封面 !!

個書底係咪型好型呢!!

曲终人未散

2008年7月5日深夜 ~午夜閒談~ 最後一夜

~閒談~ 是少有談及(性話題)的電台節目，他們深入說出不同的性態度，又不像說教式的沉悶，比較生動有趣，有時真係比迪偉笑死！

他們不時會請來一些特別的家賓：如成人雜誌的老闆，變性人，日本成人場所介紹編輯，同性戀者......等等，有時唔聽真係你唔會諗到。原來拍AV唔係想像中咁正，比你天天見住啲裸女都會厭啦!

"性"我係支持用正面的態度來討論，唔係叫你打開肚皮比人睇而是坦然講出見解或問題，在中國人的觀念裡這些應該避而不談的，連父母也不會與仔女討論，講就是咸濕，咸濕的定義係啲人用色情的眼光睇變成的，唔通小學生上性教育課時你會話老師咸濕咩！越唔比講...唔講得就越想知，咁咪偷偷睇偷偷講囉，唔識咪自己估估吓囉！坦白講我細個時就係咁，我到小學6年級先知道自己唔係由小便嗰度出黎嘅，諗起都覺得自己好笑！

節目完結係唔捨得嘅，不過我驚小左機會聽灘叔多啲，好彩下星期有新節目～球來球往～ 呵...呵咁都無咁驚！