今日收工放早左, 走去CD舖行吓........結果比我買左佢
lee位妹妹仔真係唔簡單....小小年紀參加全美一叮她的歌聲令那群喬口兼摏手嘅評判也感動落淚,贏左之後四出表演......現在重出碟添.........
我忍唔住買左, 講真係好聽小小年紀可以唱出那種令人感動嘅味道.......正!!
2008-02-12
假期結束前的一天
因為明天先要開工, 所以今日我仍然可睡到11:30am才慢慢起床!!
我一向放假都唔會咁遲先起身, 因為這個假期 "傷風" 陪伴著我, 兩行鼻水好似水喉流水咁流吓停吓, 好彩我假期前睇醫生攞左4日藥, 唔係都唔知點算, 食到個人暈暈哋又high high哋..........!!
今日終於有精神可以安坐家中睇睇書, 看看DVD, 原本買了一些片子想在假期看, 結果都係放左係度; 唯有慢慢睇啦!!
落街行左個圈, 條街好靜沒有了平常的學生, 沒有那群等仔女既媽媽, 比平常放假時還要靜, 感覺一流.....(正)啊!!
今日我再睇"情書", 一套我睇極都唔係好明, 仍然吸引著我一看再看, 仍然一再流淚嘅片子!!
悠長假期~~再見喇!! 下次要等到3月尾了.........
2008-02-07
在流鼻水的一天拜年
今年跟往常無咩分別, 一朝早去左外公屋企同佢拜年, 當然唔少得既係逗利是啦!!
可能因為今年特別涷, 感覺過年氣氛都特別濃厚, 亦可能因為市度好左連帶周圍都好有過農曆年既感覺!! 今日只有10度相比舊年25.5度真係.........
可能人大左過年感覺唔同左, 不再著意逗利是多少, 去那個親友屋企有咩好野食, 真係會珍惜與親友一起共聚既時間, 尤其是有老人家的更加看重與他們一起的時光, 真係買少見少 過一年少一年; 唔係新蒸頭講衰野而是要面對現實!! 不過以我外公的情況看來, 我都還可以陪佢玩多10年8載都唔出奇!!
好喇!! 櫻記士多新春期間照常營業!! 在此祝賀各位老友 : 心想事成! 身體健康! 個個加人工!!
2008-02-05
溫情CJ7
未睇已有人說唔好睇, 無哂星爺既特色, 太重講溫情無咩野睇.........., 我無抱有任何想法去睇lee套"長江7號"......
其實我覺得星爺早於"國產007"時期已經開始改變著戲路, 不再光賣低級搞笑, 超低能, 超無聊!! 已是在每套戲都有一個訊息發出 :
- 國產007 : 諷刺中國的官官相畏, 貪污教一群人材無用武之地
- 功夫足球 : 人窮不要志短, 已隱約發出訊息~國內有大部份人過著超窮困生活~
- 功夫 : 大同共有, 超然既無私
- 長江7號 : 其實主角係"陳嬌" 怪不得星爺要花2年時間找尋合適既童星, 要有成年人的感情但維持孩子氣的表情, 確實唔易有!! 當中繼續諷刺國內貧富懸殊的情況, 光看星爺天天在垃圾場找生活所需已清楚可見!!
可能我想得太多, 或是星爺想表達的根本不是我看到的, 但我仍然覺得只要我們願意減慢一點, 細味一下拍攝者的心思, 自然就可以感覺到他們想表達出來的訊息, 未必一家要大投資大製作大名星.....一些溫情小品或低成本嘅製作也有寶藏在其中的!!
2008-02-01
失望時唱咩歌?
人人話市度唱旺, 人人話有人工加!! 可惜我就乜都無喇!! 老闆開會宣佈惡號把我的幻想破滅了
- cut O.T.
- cut 午餐津貼
- 涷薪
- 要增加營業額 (關我事因我是sales)
朋友都說其實有許多公司早在幾年前已是這樣了, 我已經是幸福的一個現在才體會到, 這些我都明白亦了解, 但明白與接受是兩碼子的事嘛!
當你抱著美麗的希望............一下子說什麼都沒有還要再扣除其他的東西......., 感覺就像你明明報左名去"張家界"旅行, 但是到出發前才宣佈取消行程........只接受更改延後行程, 你想唔去咩重要比幾舊水手續費先可以回水真是諷刺!!
不過我仍會維持正常工作態度, 加把勁努力做!! 因為做人又好返工又好不前進就後退, 一旦你減慢自己既步伐.....便會追唔上其他人, 問題唔會馬上發生, 但你就會在人群後面日子就變得唔好過喇! 好!! 一於 2008 go go go............................!!!!!!
訂閱：
文章 (Atom)