5月25日去了一日遊
大埔水壩, 西貢食左餐海鮮, 海下灣睇珊瑚
報名時係比句標語吸引「乘坐玻璃船到海下灣觀賞珊瑚」我傻更更睇到"玻璃船"就以為好似泰國嘅玻璃船, 即係船中間有塊朦查查嘅玻璃纖維o個種; 去到先知道係玻璃纖維船簡稱"玻璃船"每人攞住個膠桶, 桶底有塊玻璃可以睇珊瑚, 不過出奇地清楚我無諗過香港水域重可以睇到珊瑚, 重要咁多咁靚, 可惜影唔到相丫!!
Lunch到西貢食飯, 居然有條唔錯嘅魚, 重有粒蒸鮑魚添......之後去左碼頭邊睇下船家賣海鮮, 嘩!!啲龍蝦大隻到, 重有巨形嘅象拔蚌, 大大隻貴妃蚌, 大花蟹......... 諗起都覺得好味!!
去大埔水霸行左個圈, 見到好多牛牛添啊!!
諗番起當年他走時大家都怕好難見到面, 從我婆婆離世後他就決定2-3年返香港走走, 看看屋企人他常說我們家人唔多, 就更加要珍惜身邊的親人要好好相處!!
撞正當日係我小舅父生日, 食飯時順便叫左籠 "壽桃飽"賀賀佢, 我小舅父當年都諗過移民架, 不過佢份工在美國係好難入職嘅, 所以就擱置左囉..... 就係咁佢反而成為97移民潮嘅得益者, 因為佢上面班老神子個個都走哂去移民, 佢唔走就食住條水好快升左幾級; 如果唔係佢可能10幾年先升一次咁大把, 佢有時都講真係好彩當年無走到 !!
其實今次旅程主要目的係探馬高, 開左場uno廈門大決戰 哈...哈, 佢不知幾開心!!
5.4一別不知何時再見.........我想念你的笑聲, 掛念你唔多正嘅廣東話, 齊齊打羽毛球的日子, 在你家泡茶的歲月.......你掛念嗎??
廈門中山路"黃則和"花生湯 : 好重花生味不過太甜
廈門中山路街景 : 好似深圳東門"
係咪男人都鍾意沉思既呢??
黎老闆 : 係咪諗緊在廈門開幾多間(大少粥店)呢?
馬高家屋頂 : 企埋去都幾高架!!
馬高開槍 : 咪以為係打獵.....其實佢玩氣槍咋!!
他就是馬高 : 原來廈門既"冰鎮豬手"好正架!!
最後一天上山飲茶 : 臨別飲杯茶, 不忘你我她 !!
2008年5月12日14:28 (四川7.8級地震)
我相信這事件對於所有中國人來說是一件不可能忘記的事，在過去的個多星期人人都悲痛難過，這場地震不單對四川做成重大的傷亡，更震醒一眾人民的心！
有個問題一直纏繞著我，睇新聞時看到很多倒塌了的房屋是新建的，有多少間是（她們）在深圳或東莞賺回來興建的呢？一夜間化為烏有，唔知身在外地的她們心情如何？
已不知有多少家庭因為地震而失去親人，更唔知有多少小孩一夜間變成（孤兒）我已決定在未來的日子會助養一名或數名的四川兒童，希望在我能力範圍內可以在他們成長的歲月中給予點點溫暖及關懷！
困難是會令人快速成長而時間可以令傷痛減輕，孩子們雨後彩虹雖然短暫但日光必照亮你們！
