4月30日一家人齊齊整整食左餐飯, 可以齊人因為我係二舅父從加拿大返左黎, 他是97移民潮其中一份子, 時至今日他是後悔移民的, 因為以他當時的進升機會斷斷唔會似現在一樣, 事事要落手落腳做, 華人在加國又無咩福利, 佢話唯一好處係個女讀書環境好, 生活無咩壓力囉!!
諗番起當年他走時大家都怕好難見到面, 從我婆婆離世後他就決定2-3年返香港走走, 看看屋企人他常說我們家人唔多, 就更加要珍惜身邊的親人要好好相處!!
撞正當日係我小舅父生日, 食飯時順便叫左籠 "壽桃飽"賀賀佢, 我小舅父當年都諗過移民架, 不過佢份工在美國係好難入職嘅, 所以就擱置左囉..... 就係咁佢反而成為97移民潮嘅得益者, 因為佢上面班老神子個個都走哂去移民, 佢唔走就食住條水好快升左幾級; 如果唔係佢可能10幾年先升一次咁大把, 佢有時都講真係好彩當年無走到 !!
沒有留言:
發佈留言