數學題 ...

我從少就好怕計數, 不論什麼乘數表, 分數, 更不要說幾何數喇... sorry我真係搞唔掂架!

讀書時計唔掂數, 最多食隻大雞蛋...加女子單打10分鐘(媽媽籐條炆豬肉)

人一日一日長大, 要計嘅數就越黎越複雜, 越黎越難計, 越難計我就越怕去計....

我身邊嘅朋友曾經這樣說過 : ada從來唔同我們計!! 講真只係我唔想去計啫, 一計我就頭痛, 又可能連朋友都無得做! 咁樣計黎又做乜呢? 最多蝕抵啲啫.....

後來我慢慢發覺, 當我唔計嘅時候, 原來好多人幫我計緊數架喎! 而這盤數永遠只會放在對方o個度...我係永遠唔會睇到盤數!!

愛情我從來唔知點計, 乜感情有得計嘅咩.........

唔通今日我愛你10%, 聽日你要愛返我20%咩?

今日我可以在工作上為你過關斬將, 加50分? 有一天我打不過敵人時, 我被扣到負分?

在人前人後為你添了不少面子, 加20分? 誰知哪一天我出糟被扣掉一切分數 .....

這刻你對我有興趣, 我做什麼也是加分, 哪天你對我生嚴即時要我宣佈破產 .....

在這樣的計算下 .... 還可以說是"愛情"嗎? ..........................