昨晚睇完衝上雲霄後走去訓啦!!
點知剛剛訓著屋企電話就響喇 ... 我彈起身去聽啦! 以下係我地嘅對話
來電者： 「你訓左喇」
櫻記：「你打錯喇」（佢把死人聲一聽我就知唔識佢）
來電者：「唔好玩啦！係我啊．．．乜今日咁早訓嘅」
櫻記：「係啊三點幾真係幾早啊 ．．．阿生你打錯喇」
來電者：「唔好咁啦．．．我係阿成啊」
櫻記：「邊個阿成啊？郭富城啊．．．」（反正你咁堅持，又搞醒左我，就同你玩吓）
來電者：「．．．．．無理由打錯架喎」
櫻記：「你三點幾打黎，玩左咁耐依家先諗係咪打錯 ... 你梗係打錯啦!」（我收左佢線）
半夜的來電永遠都係令人驚心動魄，怕家中老人家出事，朋友出事．．．總之打得黎唔慌係好．．．我就比佢搞到訓唔返啦，死未！<夜半lin lin響，實無好收場>
櫻記士多啟示：
由於近日不斷出現自稱（匿名）人士，不斷在此發出令我不安、惡意傷害性言詞！
既然知道我個名，識得我，要講就開名講，有膽講又無膽比人知係邊個；你算係乜！
這裡只接受：我的朋友，家人，我喜歡或歡喜我的人！
在逼不得已下，我只好請各位老友記用最唔方便．我最唔想嘅方法留言（字詞驗證）如因這決定令各位不便，櫻記士多在此深感抱歉！（只怪世上有太多無恥之徒...）
剛剛睇完無記重播的<衝上雲霄>，真是要說：『吳鎮宇你好型啊!!』
唔知點解今晚真係唔想訓，正確啲講係訓唔著，唔係又點會連半夜先做嘅電視節目都撈埋啊!!
我耐唔時就會係咁，無啦啦成個人會好抗奮，一啲睡意都無，雖然我已：搞左電腦；睇左電視；聽完嘩嘩嘩打到o黎2008；始終都係好精神！睇吓個鐘3點幾，我知道出事，因為一向3點後唔想訓時就真係會唔使訓，結果．．．我真係眼光光到天光！
其實我唔係想講訓唔著事件，而係我今晚望住個月亮發呆發左２粒鐘；我諗左好多野確實我係有許多事要諗清楚！原來我好享受自己發呆嘅時間，一時諗吓自己；一時諗吓屋企；一時又諗吓兒時發生嘅種種趣事，就係咁不經不覺間諗左２粒鐘！
望吓個天已有點白了，就快天光喇！又是一天新的開始。睇住個天慢慢由黑變灰，由灰變白，有一刻我好感動，感覺一切麻煩嘅事又有什麼大不了呢？最多就係像現在這樣罷了！新的一天即有新的希望啦．．．最後我做了一個好深好深嘅深呼吸；為自己打打氣又開始一天的工作去了！！
現在有得睇住封面先
將於7月21日出版咁即係書展開始當日有得買，而灘叔就會在7月25日 20:00-21:00有個簽名會，在晚上搞簽名會佢都係想多啲人可以去到，又唔使大家請假！
哈。。。哈我地八傻當然支持佢啦！撐完佢重可以去飲杯drink添！
愛情補藥黨點止係一本書咁簡單。。。數不清到底是你騙我騙你騙他騙她，但肯定的是，不論你甘心還是不情願，你，一定遇過！<鄒凱光最新散文短篇集，一年一度，感情擊中，腰心腰肺，令讀者哭笑不得，看完想打自己也想打作者的肉緊作品>
週末做左公公婆婆走去睇早場10:20am ........ wow !!
吳宇森拍的赤壁？講真我只可以比70分...點解？乜唔係他拍的就是好野嗎？如果你有睇face off，paycheck你唔信我唔怪你；因為我都係抱住咁嘅心態去睇，可惜我有點失望囉！
可能因為古裝嘅關係，一拉扯到歷史就會有比較，我有睇中央電視嘅三國誌，相比之下他的赤壁就顯得做作了點不夠瀟灑，由金城武做諸葛亮我覺得太靚仔；林志玲做的小喬沒有了那份(雅)...相比一班國內演員就有水準得多了，如張豐毅演曹操就做到有霸氣／胡軍演趙子龍就夠威武還有張飛.....確實係做得比香港演員好，可能是商業電影因素關係，現實就是金錢掛帥嘛拍得誇張點比較賣錢！
還有那些白鴿...........對不起，我覺得是全部戲最多餘的東西！
地點：尖沙咀（住家菜）
任務：嘩嘩嘩...八傻齊賀易玲壽
我們八傻一齊幫易玲妹妹賀壽，順便我們八傻又可以聚聚，一齊嘩嘩叫，哈哈笑，務求嘈死大家為止！時日有意外驚喜，黎左個大家都預佢放飛機嘅特別嘉賓（鄒海灘）
我襯吃飯時將12個傻仔攞出黎，每人揀一個終於12傻人可以一家團聚喇! 不過大傻走先所以得11個影相!!
吃飽飽我們梗係唔走啦，直踩去飲野！大傻話返黎同我地飲一陣先返去開咪喎！一點鐘我們開收音機聽大傻做新節目（球來球往）有個啤酒姐姐走黎問我地聽乜，講極佢都唔知大傻係邊個，最後佢居然話唔聽收音機，真係比佢激奀！
最緊要我地今次任務係完成嘅，大家都好開心！
下次任務應該係八傻賀大傻。。。哈哈！
~閒談~ 是少有談及(性話題)的電台節目，他們深入說出不同的性態度，又不像說教式的沉悶，比較生動有趣，有時真係比迪偉笑死！
他們不時會請來一些特別的家賓：如成人雜誌的老闆，變性人，日本成人場所介紹編輯，同性戀者......等等，有時唔聽真係你唔會諗到。原來拍AV唔係想像中咁正，比你天天見住啲裸女都會厭啦!
"性"我係支持用正面的態度來討論，唔係叫你打開肚皮比人睇而是坦然講出見解或問題，在中國人的觀念裡這些應該避而不談的，連父母也不會與仔女討論，講就是咸濕，咸濕的定義係啲人用色情的眼光睇變成的，唔通小學生上性教育課時你會話老師咸濕咩！越唔比講...唔講得就越想知，咁咪偷偷睇偷偷講囉，唔識咪自己估估吓囉！坦白講我細個時就係咁，我到小學6年級先知道自己唔係由小便嗰度出黎嘅，諗起都覺得自己好笑！
節目完結係唔捨得嘅，不過我驚小左機會聽灘叔多啲，好彩下星期有新節目～球來球往～ 呵...呵咁都無咁驚！
