小心笑爆咀啊......

<麻不甩> 專訪 "sa wah dee cup 編"

灘叔勁, 灘叔醒, 灘叔無得頂.....yeah!

連飲食版訪問都有你份, lee期你最紅啦!!

HOT ~Summer~

9月15日那天真係熱到暴...連天氣都襯埋, 在紅館門口等到成身汗, 就係為左lee位"Danny Summer" 本來我要坐20行左右架, 後來有人想同班friend一齊坐, 同我換位坐左上去第8行so luck哈....哈! Danny出場時把聲雖然拆但係已經好正, 唱唱下就好好多! 我叫足全場......high足全場.......好耐都無試過聽咁有水準o既concert喇!!

當唱到『交叉點』全場好自動一齊拍掌, Danny流眼淚我都一齊流眼淚; 那一刻係全場最感動既monment, 佢又好完美地用『空凳』做ending song.......真係正到痺無得頂啊! yeah..........!!

囍宴

上星期參加同事的"囍宴"得意在佢地請左"醒獅", 我覺得好搞笑擺婚宴有醒獅睇, 原來是男家的習慣有咩喜慶事一定請頭獅返o黎賀賀佢!!

我已有好久的日子唔多喜歡去飲, 有時只是認識對新人成晚流流長, 同桌的賓客又唔識幾老尷。

不過今次有新發現比我不單是有頭獅, 還有一對新人的朋友做左段好似什麼頒獎典禮的slogan :『9月13日, 913........9月13日我地約左你........o個日係Hxxx同Rxx結婚大日子.......接著是好些親友, 家人, 朋友送上的祝福!』令我覺得好溫情; 當然唔少得新娘同新郎一part搞笑熱舞!!

淨係睇對背影已經sweet都暴啦!!

睇下醒到.......不愧係"醒獅"

有咁傻o既新娘就有咁得意o既老友架啦!!

送比一對傻傻地的新人 " 今天你要嫁給我 "

<麻甩>專訪 "號外編"

其實有關灘叔<麻甩>專訪, 我已經唔記得有幾多次了! 吸引我一看再看o既唔單止有佢; 同塭次次內容都唔同! 我都覺得佢幾<麻甩>同<咸濕>但佢勝在唔會過界, 一切都點到即止<麻不甩>!!

等了又等

我們一生處於等待的時候很多：等人、等位、等睇戲、等待被愛、等升職、等嫁…而等待往往使人煩躁,無奈! (等人) 約某些人要好有技巧,分分鐘等你一頭半個鐘; 所以最好找個好地方等, 起碼有野行o下無咁悶, 或者你約早半個鐘預左佢遲到……. (等位) 是我最怕的, 見到要等位的飯店我通常都調頭走, 香港人好得意等得越耐的飯店就越多人等, 好似等到食o個餐飯威過做特首咁, 所以這種等位既奇境到處可見!! (等待被愛) lee個最難因為唔係自己可以控制到, 難度高過中獎, 比你等到真係開心過中六合彩啊! (等嫁) 到左某個年齡,無論自己,親友,朋友都特別注意你結婚未, 我想同各路好友講聲:『我都好想快d嫁得出,但係都要有人娶我先得o架!』 所以我仍然為著等到自己想要的...........等了又等!!

Evening

"此情此生" 看似老老土土的戲情, 用過無數次的故事; 但套戲仍然觸動了我!

戲中媽媽到了人生的終點, 開始模模糊糊回想年青時的情景 : 回想年青時那段一夜激情、那段對不著時間但是一生難求的愛、一場誤會令摰友意外地死亡、一個數十年不見的老朋友........年青時誰沒做過錯事、誰沒愛錯過、誰沒幻想過未來!!

雖說戲中媽媽做錯過許多, 女兒們也對媽媽以前的行為不太認同, 但內裡又含著互相的關愛; 戲末是一幕媽媽忙著做晚餐, 丈夫一手把又哭又鬧的女兒拋給她, 媽媽那時放下手上做著的晚餐抱起小女兒坐在大女兒旁邊唱歌給她們聽, 一切都不用說話她們才是媽媽最要緊的事!

可能有人看了這戲覺得很悶, 很老土, 又係lee種故事lee種結局, 但我反而覺得：平凡中有人情味, 老土得o黎存在簡單的愛, 我們都太快了看不到身邊的人群；看不到身邊發生的事情.....嘗試放慢點可能會發掘到意想不到的.................

哎 呀呀呀呀呀! 我估不到

昨天我與朋友去吃pizza, 一向我都覺得pizza係肉多,茄汁多;所以我麻麻地; 但是朋友極力推介要食這款(大蝦沙津脆邊批) 我抱著姑且一試的心態order了這款pizza, 結果給我喜出望外的清新感覺, pizza面有大量芝士, 蝦又大隻, 沙津汁又多…….一口咬下去時已有濃郁的芝士味湧入嘴巴裡, 緊接有甜甜的菠蘿及爽口的大蝦,口感極之豐富!! 這款pizza是我在這間pizza店中吃過最好味的pizza, 我決定對這間店改觀, 給這款pizza十個讚…讚…讚!

go go go

昨天與舅父lunch在短短的閒談中, 我聽到數個bad news：外公的好朋友走了、舅父的師母也走了、契公公在大陸都走了、連友人的外婆也走了! 雖說老人家始終會走到這一步, 但聽到這些消息的確令我down左!!

感覺身邊什麼也留不住又擔心外公與友人的情緒是否ok!

原定與外公上大陸探望契公公, 現在已經不再需要; 只是短短一個星期, 我想做的,想表達的已不再有用, 只是短短一個星期可以發生的事實在太多太多......想愛得及時但時間走得比我更快, 不知還可以做到多少, 我不求比時間更快, 但願我能與時間平排珍惜和家人共聚的每刻每分........!

何必偏偏選中我

已經不是第一次, 這個人可以令我如此動氣; 點解係揀我o黎昅, 唔通我好蝦D?

• 叫你攞野比人要小心, 唔好撞到其他人, 你回我一句兇悍的:「知啦唔使講啦!」~我忍你~
• 朋友約食飯無預你, 關我咩事! 你一再追問,我都係只能答你個一句"唔清楚",你再次惡言相對! ~我又忍你~
• 隨便問你一句, 有無加清潔濟你又再次兇神惡剎咁：「得啦,我都話問左啦!」~我深呼吸後都係忍左你~........

我要聲明我唔係怕左佢, 貴為櫻記士多的負責人; 我敢愛敢恨, 誰怕誰啊!

我忍佢唔係怕左佢, 亦唔係諗多一事不如少一事! 而係我決定唔再理佢, 在佢身上發生的一切於我無關, 我亦唔會關心 I don"t care! 對於一個無藥可救o既人, 我連同佢講一句說話都嫌唗氣! 鬧佢?咪教精佢no way啦!由佢.......我深信始終有人會替我出頭既! 對著你, 我都有一句喎:「你無得頂啊! 梗係無得頂啦! 咁樣做人重邊有得頂姐!」

同場加映

昨晚我有想生多幾個頭出來的感覺。

本來只係諗住睇(紐卡素), 但係我由黃昏已睇緊女排總決賽中國vs巴西, 緊接睇金紫荊因為我希望劉青雲攞獎, 同時又要轉台睇力撐既紐卡素(因為有奧雲)又心思思睇下利物浦(因為有Rise)一個頭一對眼我都唔知睇得邊度? 一晚同場加映幾場搞到我成晚個remote不停幫我轉黎轉去!

一時間太多選擇的確是令人忙亂, 睇住家輝個超cool緊張樣又凳佢緊張, 奧雲傷癒復出未入過波我更加凳佢緊張, 一個球員斷2次十字韌帶仍然可以好返踏出球場比賽, 點可以唔為佢鼓掌呢!!

奧雲加油啊!!你要一洗之前的不利傳言; 努力做返"超音鼠奧雲"踢好你的足球!!

曾經.....因為....

(曾經)為左一句氣言離開屋企(因為)你我回家了

(曾經)你煙不離手(因為)我有鼻敏感你戒掉唔食

(曾經)有機會做自己的志願工作警察(因為)你說會面對太多灰色事物, 我放棄入職

(曾經)你堅持為左義氣要幫友人出頭(因為)已哭成淚人的我, 你最終連那友人也不見

(曾經)有出國的夢想(因為)要完成你的夢我放棄了

(曾經)極討厭黑色(因為)你令我愛上黑色的神秘感

(曾經)以為這世界七彩繽紛(因為)有你陪伴著我

(曾經)最愛聽你說著電單車(因為)我喜歡天若有情

(曾經)以為自己不會再呼吸(因為)你說不能再愛我

(曾經)看這世界變了黑白(因為)我已失去了你............

你我有太多的(曾經)亦有太多的(因為), 我已不知想過多少次有天與你在街上重遇我應該做咩反應; 萬萬不是昨天那麼冷靜,自然, 交換電話, 詳談過去種種相約下次幾時再見........

原來不論妳(曾經)愛得多久恨得多深(因為)時間的齒輪慢慢地磨合, 一切都會順滑、一切都會變淡、一切都會變得自然!!